

ISIZULU

                             UKUBALULEKA KOLIMI

Ulimi yindlela yabantu yokuxhumana; yiyona ndlela yokuchaza. Uma sikumisa
ngesihloko, singathi luseyiyona ndlela yokuxhumana enobukhono esinayo thina
bantu.

Ulimi lwendabuko lucishe luthathwe njenge"sikhumba sesibili": Luyinto
yemvelo lowo nalowo muntu ongumuntu phaqa anayo. Lokhu kungenxa yokuthi
sisebenzisa ulimi ukubeka imicabango yethu, imithetho nokuyigugu kithi,
ukuhlola ukuzwa nokubona kwethu kanye nemikhuba yethu, kanye nokwakha
umphakathi wethu nemithetho eyingamele kanye nalokho okuhle ngokuphelele
okufiswa yinhliziyo.
Ngaphezu kwalokho, ulimi lunelikhulu iqhaza emphakathini wethu wesimanje
ohlala uguquguquka ekusisizeni ukuba sithole ulwazi ngokushesha
kungakhathalekile ukuthi ngolwaluphi uhlobo esilucabangayo.
  ------------------------------------------------------------------------

                             ISIZINDA SEZILIMI

IMPOKOPHELO

Injongo yeSizinda Sezilimi sakwa-SABC, ngukunikeza usizo oluyisisekelo
nomsebenzi wobuchwepheshe kwezolimi kwabakwa-SABC kanye nakumphakathi
waseNingizimu Afrika wonkana ngokwezilimi zangokomthetho zale lizwe.

UMHLAHLANDLELA

Isizinda Sezilimi sakwa-SABC, njengengxenye yezemisebenzi elapha kule
Nkampanikazi:

Sinikeza zonke izingxenye zakwa-SABC ngesisekelo esiqoqene kwezolimi
ngokuhumusha, ngokubukeza ngenhloso yokulungilungisa amaphutha,
ngokucobelela ulwazi nosizo kanye nangokwandisa ulwazimagama.

Sisiza i-SABC ekulondolozeni nasekuqhubekiseleni phambiliukusetshenziswa
kolimi olufanele ngendlela eyiyonayona neyamukelekile kuko konke ukusakaza
kwayo.

Silandela siqaphelisise ezokusakaza siphinde sinikeze ulwazi esilutholayo
kulezo zingxenye ezithintekayo.

Sinikeza ulwazi oluphathelene nolimi kulezo zingxenye ezithintekayo lapho
zilucela.


